consumerism( streetplay)

                               consumerism

                                                                   ANAND KUMAR

                                                                   KHYATI PRIYA

                                                                   AMAN VERMA

(Four girls stand facing four directions. They mime the thing which is being said by another person.)

Someone: Deviyo aur sajjano, flight "consumerism" jo ki companiyo ki badmashiyo se
lekar aapki mentality tak jaayegi, mein aap sabhi ka swagat hai.hum kuch hi der mein apna safar
shuru karenge. apne electronic gadgets band kar le, par is beech apni life jhingalala banane ke liye,
aap samne pade tatasky mein streetplay dekh sakte hai. beech mein koi pareshani ke waqt dimag
ki batti jalani ke liye aapke seat ke upar se mentos gir jayegi. apne padosi ko chup karne ke liye
centre fresh khila sakte hai par dhyaan rahe ye jubaan par lagaam lagata hai hantho par nhi.
baki sab junta bharose. aapke safar majedar rahe. Dhanyawad.

scene 1

chorus:- ek mandbuddhi sa ladka tha

chhota bheem pe woh marta tha

  pogo laga ke, sharma ke

chutki ko dekha karta tha

chori chori chupke chupke

bhashaan diya karta tha

mujhse poocha karta tha,

height kaise badhta hai

ye height kaise badhta hai

Pappu ke papa:- Hato, bhaago sab! Aree itna sab kuch kar liya hai tere liye pappu, teri height kyu nahi badhi

Person 2 :

sir aap kyun khade hain udaas?

kya aapko chahiye kuch khaas?

pkp: tum humko batao ki hum humre pappu ko kon sa tohfa den jisse uska ho vikas

p2:

karna chahte hain vikaas?

toh chhodiye ye bakwaas

aur chaliye mere saath

(p2 takes pkp to surelicks)

p2: haan bhai surelicks, shuru ho jaa

surelicks: (sings, 3-4 people join and surround him and dance) (asterisk hides behind him)

agar sports mein bachcha lagne lage kamzor

ya maths mein bhi wo na laga paaye zor

ya uski height na badhe upar ki or

toh bhaisahab tension dijiye chhod

kyokin aa gaya hai naya surelicks, jo banaye aapke bachche ko TALLER,STRONGER, SHARPER.

Astrik:- neeyam aivam sharten laagu

Pkp- arey kaha tha tu ab tak, tujhe hi toh dhoond raha tha. Chal ab ghar chal.

(asterisk follows.)

pkp: tum kyun aa rahe ho bhai?

p2: sir aap iski chinta mat kijiye, yeh har achche product ke saath aata hai.

(//Tick tock tick tock// andar ek lambe bande  height stand ban kar khada hai,
jisme har round me apna baccha jaa kar enthu ke saath height naapega, aur fir
niraash hokar vaapis ek cycle complete karega.)

pkp: chaar mahine ho gaye, arey surelicks, humaare bachche mein koi badlav
kyon nahin aa raha hai?

surelicks: sir ye asterisk dekh rahe hai aap, sir aapke saath ek chhota sa prank hua hai...sir
asterisk ko dekh ke haath hila dijiye..

pkp: kyun be asterisk aisa kyun kiya humre saath?

asterisk: sir, surelicks is a nourishing drink to be taken alongside a balanced diet and sufficient exercise.
claims based on study conducted in 1999-2000 comparing micronutrient enriched beverage vs.
non fortified placebo. claims based on a recommended daily dose of 54 g in 14 months.
(sir udhar dekhiye camera. bhaiyya ji,  smile).

(jhoon confused, bored)

pkp- hain???ye kya bak diya? humko toh kuchho samajh nahin aaya! aapko aaya kya?

circle: nahin

pkp- zara saaf saaf batao na kya kehna chahte ho?

asterisk: surelicks tabhi hai asardar

jab aap bachcho ko khilayen ek poshtik ahaar

aur karwaayen regular exercise.

aur adhyayan ke anusar har din 14 mahine tak 54 gram surelicks pilana padega.

aapne poshtik ahaar kilaya?

chorus:- nahin!

exercise karwaya?

chorus:- nahin!

aapne 14 mahine tak rooz 54 gram yani 12 chammach serelicks pilaya?

chorus:- nahin

toh bataiye, kaise asar hoga?

pkp- toh aap keh rahe hain ki 1 saal tak har roz 12 chammach surelicks pilayen toh kitna asar dikega?

asterisk- Bhai wo to pata nhi par adhyayan mein yahi samne Aaya hai.

Pkp:- Agar itne saare neeyam aur sharten thi, toh yeh cheez mujhe pehle kyun nahin batayi?

asterisk- Batayi toh thi sir, baar baar batayi thi, par aapne har baar ignore maar diya. Kabhi forms ke
through batayi, kabhi online option dekar, par aapne har baar I agree par click Kar Diya.

Par aap guilt feel mat rakhiye. Ye to Yugo Yugo SE hota AA Raha hai.

pkp- yugo yugo se, vo kaise?

asterisk- bahut  samay pehle ki baat  hai. .shart ye thi ki  jo shivdhanush ki wiring karega,  sita ki
wedding usi se hogi. viswamitra,  ram aur lakshman ko lekar sita ke swamyar  mein
janakpuri pahunche.

chorus:-

dhanush  ke bagal  mein tha chotu  astrik bechara .

tumhari tarah  sri ram ne bhi  usey ignore mara.

uthaya dhanush  aur tod diya usey  angrezi beat pe.

uchhal  pare darshakgan  khusi se apni seat  pe.

devatawo ne shadi  mein swarg se phool  barsaye.

aur ayodhya  lautte sabne, yo yo ke gane  bajaye.

lekar  aaya toofan,  achanak parsuram  muye.

darke mare sabke,  phatke bahattar hue.

galti  hue kya?- soch rahe they khade- khade-, dare-dare asankhya nar.

tabhi astrik uchhal kar bola- us dhanush ke parsuram bhi they shareholder.

astrik ke naam pr hua tha unke saath dhokha

ab kya yuddh hoga ya dena hoga paise ek khokha

bhai ki tarah entry maar ke bole sri raam - maaf kare hume, samajh naadaan

aapka gussa hai najayaj, hum the terms and conditions se agyaan

nahi maane parshuraam, chida yuddh bhayanak us shaam

ajay the, lekin us din parajit hue parshuraam

lakshman bola_ macha diya bro, bacha li aapne sabki jaan hai

sri raam bole_ yup bro, kabhi kabhi lagta hai apun hi bhagwan hai

Dholak wala-  Suno, suno, suno. Ye ellain kiya jata hai ki Company ant shaant dave karke, aapko phasa ke,
aur phir ek asterisk ka nishaan laga ke patli gali se nikal gati hai. Aur aap unpe complain nhi
kar sakte kyun ki unhone astrik laga ke badi chhadi angrezi mein khud ko defend kar liya hai
aur saath hi itna kuch bol diya hai ki aapko kuch samajh nhi aaya hoga.

Another boy- company mujh se bola ye product le meri

                     Saath mein iske astrik bhi hai teri

                     Astrik ki shakal mein nikla ye paheli. Paheli, paheli….

Dholak wala- chup, na sur hai na taal hai

                     Khujla rahe sab baal hai.  Nikal yaha se…
Bas hum aapse itna hi khehna chahenge ki sochhe, samajhe aur phir kharide.

scene 2

(Aurat puja karte hue.)

Jai ganesh, jai ganesh, jai ganesh deva

Wrinkles mita do hey mahadeva

Haldi lagayi, lagayi miti pahari

Dag dhabe mit gaye, ab jhuriyo ki bari

Pimples se bachhe to, dark spots ne ghera

Jawani lauta do, hey prabhu mera.

Ladka- Yeh thi humari ROZ ki kahani

          Mummy thi bas apne young looks ki diwani

          Par ek din hua kuch aisa

          Jisme lag gaya baap ka paisa

(Goes to pati who is watching tv

Tv pe Ad aata hai- oley...)

Patni- O ji, mujhe bhi ye dilawo na! Please!

Pati: Aisa ghatiya product lekar kya karogi tum

Patni - par ad mein toh yeh bola ki 14 din mein wrinkles gayab

Pati - aree aisa kuch nahi hota yeh bas logo ko rijhane ka tarika hai. Tum aajkal

       Tum bhi ma Sita wali galti Kar Raha ho.

Patni - ma Sita wali? kaun sio?

Pati - ek bakht ki baat bataye ek bakhat ki

(Pati kahani start karta hai …..)

Bahut samay pehle ki baat hai. Tab bhagwan Ram, Lakshman, aur ma Sita- jangal mein
wanwas Kar rahe they. Baat tab ki hai jab ravan ki behen surpnakha ko Lakshman ne left swipe
kar Diya tha. Ek din sita ne jangal mein ek sone ke Hiram ko dekha. Wo dauri dauri Ram
ke pass gayi.

Sita- baby, mujhe wo sone Ka Hiram Chahiye.
Ram- Darling wo fake product hai.
Sita- par fake to nhi Lagta.
Ram- Baby har cheez par yakin nhi karte
Sita- babu, mujhe wo chahiye. mujhe wo chahiye.dilwa do na. please, please, please..

( waise to shree kafi shakt they par us din wo pighal gaye.- pati from circle.)

Ram- okkay baby. Par mein...Laxman ....Laxman ...jab take main aata Hu tab tak
apni Bhabhi Ka khyal rakhna.
Laxman - yo bro.

(Ram- Chala Jata hai. Kuch Der mein awaz aati hai -Sita, Sita, bro, bro)

Sita- Laxman, Lagta hai tumhare bhaiyya Kisi mushibat mein hai?
Laxman: - Babhi chill. Apna bro TRETA YUG Ka Rajnikant hai.
Sita- Laxman, ye Mera order hai abhi unhe bachane jao.
Laxman- par Bhabii.. RAm bhaiyya to aapko bachane ko kah gaye aur Ram bhaiya ki baat to sab maante hai.
Sita- sab nahi maante laxman

Laxman-par bhouji...
Sita- Na..
Laxman- cool Bhabhi. Par Jane se pehle mein apke z + security ke liye mein ye circle Bana deta Hu. Cross mat kijiyega.

(Laxman ke jate hi ek admi Ka prawesh)

Ravan: bhabhi ji ghar par hai??!! myself Rocket singh, salesman of the year. Apke liye anti-aging cream
laya Hu. Bas 14 din mein ye apki 10 Saal Umar ghata degi...
Sita-: Achha. Ghar mein cash to nhi hai.mein paytm Kar deti Hu
Ravan: No mam. We only accept cash. Najdik mein ATM hai aap rupaya kyun nhi Nikal Lete.
Sita-: par Laxman ne LOL matlab line of Laxman cross Karne se mana Kiya hai.
Ravan - cool. Phir aap anti aging cream ko bhul jayye.

Sita- Nhi Ruko.mein LOL cross Karti hu.
Ravan- ha.ha..ha..mein rocket Singh nhi ravan Hu.

(beat)

Ladka -

Papa ne mummy ko khoob samjhaya

Par mummy ko ghanta kuch samaj aya

Mummy ne amazon pe order lagaya

Aur do din mein hi product aaya

Mummy ne use 14 din tak achche se kiya use

Par negative hi nikale ghar pe sabke views

(Scene starts with mummy

Hai mai to lut gayi)

Ladka- Arey kyun ro rahi ho mummy? Agar anti aging cream ne asar nahin kiya toh kardo complain.

Mummy - Arey chod na beta, iss umar mein court kacheri ke chakkar mein kaun padega?

Ladka - Koi court kacheri nahin, bas ek complain karna hai adver….

Mummy - Pehle paisa kharch karo bakwaas product par, phir paisa kharch karo complain karne par. Din
bhar yhi kaam bacha hai kya?

Ladka - Arey mummy, meri baat toh suno!! Koi paisa kharch nahin, koi court kacheri ka chakkar nahin. Bas
ASCI yaani Advertising Standards Council of India ke website pe jaana hai, aur ek online complain
karna hai, bas!

scene 3:

YUDDH tha chhidh gaya Ram aur Ravana ke bich,

Khoon se rang Khoon se rang gaye Lanka ke saare beach,

Bikini mai dikhti thi rakshasniya jaha kabhi, 

Aaj waha fb par Sad react kar rahi sabhi, 

Jitne ke liye Ravana ne kumbhkaran ko jagaya, 

Muh par saliva aur diaper ko pila paaya, 

Nahake anti-ageing cream lagake, ravana ke saamne wo aaya, 

Sah sammaan sita ko lautane ka, saath mai idea laaya, 

Sunkar gussa hua ravana, thodi naak mai ungli ki, thoda sar khujlaya, 

Bola- yeh status ki baat hai, idea tumhara mujhe bilkul naa bhaya, 

Gaya woh yuddh mai, amazon se mangaaye astro ko lekar, 

Udd gaye uske praan pankheru, jab ram me maara tir fekkar, 

Kumbhkaran ke baad aayi, ravanaputra meghnaad ki baari, 

Aakar bola-’Dad, lauta do sita ko, warna jayegi saari praja mari’, 

Ravana gusse se bola-’sikhaya maine tujhe ladne se lekar karna shu-shu

Status ki baat apne baap ko sikhayega tu’, 

Meghnaad gaya lakshman se ladne, pahanke kapde naye,

itihas gawah hai uske bhi L lag gaye.

(beat)

Chorus:- Ek tha apna sukhi parivar

              Sada jivan uch vicahar

   Hastey they aur gate they

    Salary mein kaam chalate they

  Phir unhone duniye ko dekha

  Sabko brand pe marte dekha

  Badali phir unki nazar

  Dekhiye kya hua asar

(In the begining,Admi, wife, daughter, son and mother starts moving happily. Then at 4th line they starts moving away looking towards audience. Then they stops and looks backward)

Beta- papa, mujhe naye shoes chahiye?

Admi- beta, abhi to khareedey they

Beta- wo goldstar ke they. Mujhe nike ya adidas ke chahiye.

(binds the chuni on hand)

Beti- papa, mera iphone.

Admi- beti, wo budget ke bahar ke cheez hai.

Beti- par mere sare dost ke pass iphone hai

( binds chunni on hand)

Biwi- mujhe lehanga chahiye deepika nhi ranveer wali.

Admi- par itne kapde to pehle se hi hai.

Biwi- nhi, mujhe wo shadi mein pehen ke jana hai.

(bind chunni on neck)

Beat

They are sitting in a triangular position with admi at the center standing.

Beti, beta and biwi- mujhe chahiye, mujhe chahiye…..3

Admi- arey, pehle salary to aane do.

( phone starts ringing.)

( Admi - hello, kaun?

Chorus:- salary)

                      Beat

M.M. - ladies and gentlemen, mein michael mishra, Rancho jhunjhunwali ke saath aap sabhi
ka swagat karta hu.

R.J.- Aaj, mahine ke pehli tarrekh ko kabaddi ka yeh muqaballa hone wala hai-” Aam Admi” aur
] “ Jarurat” ke beech. Jaha Jarurat ka saath denge “ status”, “lifestyle” and “loan brothers” wahi
“ aam admi” ka saath dengi unki samajhdari.

M.M.- Abhi ka dahakta sawal yeh hai ki  kya “ aam admi” apni sachhi “zarurat” ko bhul kar “Status” aur
“lifestyle” ke behkawe mein aa jyenge.

R.J.- ya apni samajhdari se kaam lekar “loan brothers” ke fande se bach kar “salary” ke andar hi zarurat
ko maat de sakenge. To aaye shuru karte hai is adbhut khel ko.

(whistle ke awaz. Admi- kabadi, kabadi….karte hue jata hai.)

M.M.- khel shuru ho chuka hai. “Aam Admi” zarurat ki taraf bhagte hue. Zarurat unse thodi aur dur jati hue.
Aur achanak se uchhal kar “ aam admi” ne zarurat ko chu liya hai aur wo apne khaimey ki taraf
bhag rahe hai…

R.J.- par nhi ye to “ status” ki taraf bhag rahe hai. “Status” ko chhuney ki koshish aur “life-style“
ne unke pairo ko pakad liya hai  aur “home-loan” aur “car-loan” ne unko aur achhi tarah se jakar
liya hai.

M.M.- Aur status ke khatarnak dau ke aage “aam admi” chit.

(Pause)

A:- companiya ka lakshya keval product bechna hai. Pehle wo hame jarurat ka ehshah karate hai
aur phir disclaimers laga ke, fake claim karke, hamare samne wo pesh karte hai. Aur yahi
consumerism mein  galat hai.

B1:- wey humme galat mentallity bhi reinforce karte hai. India mein jaha gore rang ko khubsurat
mana jata hai, wey skin whitening cream bechte hai aur jaha western contries mein wheatish
color ko khubsurat mana jata hai, waha “wo” wala cream bechte hai. Wey hamare beauty standards
set kar raha ha. Aur yhi consumerism mein galat hai.

B2:- Aur is tarah wo hame cheezo ki kami mehsus karake, hamari jaruratey bada rahe hai.

          a.) chehre pe pimples ke liye cream

Chorus- zaruri hai.

          b.) ye dark spot ke liye

C- zaruri hai.

c.)  ye fresh look ke liye

C:- zaruri hai.

d.) ye gore rang ke liye

C:- zaruri hai.

e.) ye chipchipapan dur karne ke liye.

C:-

f.)ye dhadhi ka shampoo

g.) ye dhadhi ke liye kangha

h.) ye foundation

i.) ye face mask

Ye chehre ke liye hai aur iski list aur bhi lambi ho sakti hai. Aur yahi consumerism mein galat hai.

C1:- Ads par Ads aati rehti hai aur products ko itne pyaar se pesh kiya jata hai ki hum ab conscious
decision le bhi nhi patey hai.jate hai mall kuch aur kharedene, aur kuch aur bhi khareed kar aa jate
hai. Aur yahi consuerism mein galat hai.

C2:- Status aur lifestyle badhane ke liye hum cheeze khareed rahe hai bina soche aur samajhe.
Hume angrazo se azzadi to mil gayi par hum din par din west ke cultural colony bante ja rahe hai.
Aur yahi consumerism mein galat hai.

D1:- jaise jaise hamari jaruratey badh rahe hai, hum yeh bhulte ja rahe hai ki earth ke resources
limited hai. Consumerism itna badh chuka hai ki ek study ke anusar agar sabhi ek average
american ki tarah rehne lage to sabki jarurat puri karne ke liye 4.6 earth ki jarurat pad jayegi.

Aur yhi consumerism mein galat hai.

D2:- Gandhiji ne ek baar kaha tha ki yeh dharti sabki jarurat puri kar sakte hai par kisi ek
admi ke lalch ko nhi puri kar sakte hai. Consumerism itna badh chuka hai ki hame hamari
samajhdari hi bacha sakti hai.

Chorus:

Bach ke dekha, bach ke dekha, bach ke dekha (two clap)

Bach ke dekha, bach ke dekha, bach ke dekha (two clap)

Faila status ka jaal

Har taraf hai iski dhal

Aa rahi ad baar baar

Badal ke dekha iski dhaar (four clap)

Bandar hai janta sari

“Nachha” raha wo madari

Raho se inke tu murke dekha

Mur ke dekha, mur ke dekha, mur ke dekha( two clap)

Bach ke dekha, bach ke dekha, bach ke dekha(two clap)

THE END